Det nye biblioteket har slått godt an! Me kryssa 100.000-grensa for fyrste gong, totalt vart det 100.181 utlån og fornyingar i 2011. Med 6,1 utlån per ibuar er det beste tal sidan 2005 (6,7).

På grunn av tekniske feil er besøkstala litt meir usikre, men på grunnlag av målingar i periodane der utstyret har fungert reknar me med at besøket har vore på om lag 100.000, dvs. dobbelt så mange som i 2010!

Aud Søyland Kristensen er tilsett som ny biblioteksjef ved Time bibliotek frå 01.01.2012. Ho starta som filialsjef ved Time bibliotek på Kvernaland i 1984, og flytta over til hovudbiblioteket på Bryne i 1997, der ho har vore fram til i dag. Søyland Kristensen har grunnfag i bibliotek- og informasjonsvitskap, og ein mastergrad i lesevitskap.