Far til Magnus Carlsen møter publikum, barn og unge deltek i skulesjakkturnering og det blir fest med monster, gjøglarar, Kjell Elvis og mange andre på Bryne torg når Norway Chess kjem til byen.  Sjakkfesten på Bryne startar fredagen før runde nummer 4  i superturneringa går av stabelen i Aarbakke sine fabrikklokal søndag 12. mai.

Kan me velja positivt fokus etter ei livskrise? Time bibliotek får besøk av Åse Frafjord Johnson som gjennom skriveprosess fann tilbake til liv og energi, og fekk nærkontakt med vonde tankar og kjensler på ein god måte. Prosessen enda i boka "Livet er...". Åse vil fortelja om prosessen og lesa frå boka i Litterær lunsj i kafe Garborgstova på torsdag.